वेलायतस्थित नेपाली राजदूताबास लण्डनमा आज नेपालको राष्ट्रीय दिवस पारेर नेपाली संगीत महोत्सवको आयोजना गरियो। उक्त महोत्सवमा वेलायतमा रहेर लामो समयदेखि गीत-संगीतमा निरन्तर साधनारत रहनु भएका गायक गायिकाहरूको स्वरमा सुसज्जित तीन गिति एल्बमहरू सहित एल्बम “दुबोसरि रहरहरू” को लोकार्पण भएको छ। गीति एल्बमको लोकार्पण बेलायतकालागि नेपाली राजदुत महामहिम डा दुर्गा बहादुर सुबेदीले गर्नु भएको हो।

दुबोसरि रहरहरू एल्बम भित्र गजल, लोक पप र लोक आधुनिक गीत गरि जम्मा छ ओटा गीतहरू समाबेस गरिएका छन् ।
एल्बममा बरिष्ठ साहित्यकार डा.दुबसु क्षेत्री ज्यूको एकल शब्द रचना; चर्चित युवा संगीतकार चोक गुरूङको एकल संगीत र बरिष्ठ संगीतकार बि बि अनुरागी को एकलसंगीत संयोजन रहेको छ ।

एल्बममा बरिष्ठ गायक कुबेर राई, (झिसमिसेमा तारा सरी) ; राई ईंच किङ राजेश पायल राई, (चुराले नै धोच्न थाल्यो); लोकप्रिय गायक यम बराल, (बोट भरि फ़ुल तिमी); संगीतकार बि बि अनुरागी, (सारङी रेटे झै); चर्चित गायिका मिलन नेवार, (फक्रयो जवानी फुल्यो जवानी); मेलोडी क्विन मेलिना राई र संगीतकार चोक गुरूङ (आँखा आँखा जुधे भने) बोलका गीतहरू समावेश गरिएको छ।

यस एल्बमको बजार ब्यवस्थापन बिन्दाबासीनि म्यूज़िक प्रालिले गरेको छ।

 

 

 

अनेसास यूके च्याप्टर मार्फत प्रदान गरिदै आएको सुप्रमा-ईप्रमा पुरस्कार यस बर्ष कवि देवेन्द्र खेरेसलाई वहाँको कविता सँग्रह ‘कोलम्बस यात्रा’ को लागि प्रदान गरिएको छ l
२५ जुलाई शनिवारका दिन सभापति लाराको सभापतित्व तथा प्रमुख अतिथी महामहिम राजदूत डा दुबसु सुबेदी, केन्द्रिय अध्यक्ष राधेश्याम लेकाली, नेपाल, नवनिर्बाचितत्रय अध्यक्ष प्रकाश पौडेल ‘माईला’,जापान, बरिष्ठ उपाध्यक्ष गोबर्धन पूजा, अमेरिका, सदस्य डा रेणुका सोलु, नेपाल, सल्लाहकार सुमल कुमार गुरुङ्ग तथा बेलायतका साहित्यकारहरुको समुपस्थितिमा जुम मार्फत मनाइएको भानु तथा ईश्वर जयन्तिको अवसरमा पुरस्कार समितिको तर्फबाट डा रुपक श्रेष्ठद्वारा यस वर्षको पुरस्कार घोषणा गरिएको हो !
बेलायती नेपाली डायस्पोराका आदिकवि मानिने ईश्वर प्रसाद मानन्धरले आफ्ना स्व. पिता सुन्दर प्रसाद मानन्धरका स्मृतिमा सन् २०१२ मा स्थापित सो पुरस्कारको रासी २५१ पाउण्ड रहेको छ l
बिक्रम सम्बत २०२७ सालमा दिक्तेल खोटांगमा जन्मनु भएका कवि खेरेस बेलायती – नेपाली डायस्पोरामा बिगत एक दशक भन्दा अघि देखि नेपाली कविता लेखन र समालोचनामा सक्रिय हुनुहुन्छ। वेलायती डायस्पोराका एक जना ससक्त साहित्यकारका रुपमा मानिने कवि खेरेसका दुई काब्य कृतिहरु ‘रुङ्ग्ग्रिको बयान र नदी किनारा’ (२०६५) र ‘कोलम्बस यात्रा’ (२०७५) प्रकाशित छन् l